Бастауыш сынып білім алушыларының цифрлық ортада оқу сауаттылығын дамыту

Бағдарлама оқырмандық сауаттылықты және цифрлық білім беру ортасын біртұтас жүйе ретінде кіріктіретін әдістемені ұсынады. Бұл PIRLS-2026 халықаралық зерттеуінің талаптарына (онда цифрлық оқу міндетті компонентке айналады), сондай-ақ PIRLS-2021 және МОДО-2024 нәтижелері бойынша қазақстандық оқушылардың көрсеткіштерінің төмендеуіне берілген нақты жауап болып табылады. Бағдарламаның негізгі ерекшелігі - практикаға бағдарланған тәсіл. Ол педагогтерді мәтіндердің әртүрлі түрлерімен (баспа және цифрлық форматта) жұмыс істеуге үйретеді. Сонымен қатар, оқытуды дараландыру және педагогикалық тәжірибені жетілдіру мақсатында заманауи цифрлық технологияларды және жасанды интеллект элементтерін тиімді қолдануға бағытталған.