Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. «Химия»

Бағдарлама химияны оқытудың практикалық қырына - Мемлекеттік жалпыға міндетті стандарт (МЖМБС) талаптарынан бастап нақты сабақ деңгейіне дейінгі байланысқа ерекше назар аударады. Онда алғаш рет құзыреттерді декомпозициялау, каскадтық тәсіл, құндылықтарға бағдарлану, спиральды құрылым және оқыту мен бағалау әдістерін конструктивті түрде сәйкестендіру сияқты тәсілдер жүйелі түрде біріктірілген. «Химия» пәнінің ерекшелігін ескере отырып, Бағдарламада оқушылардың іргелі білімдері мен біліктерін меңгерумен қатар, оларды нақты өмірлік және кәсіби жағдайларда тиімді қолдануға мүмкіндік беретін негізгі құзыреттерді дамытуға ерекше назар аударылады. Жаратылыстану-ғылыми және функционалдық сауаттылықты қалыптастыру - химиялық білім берудің басты бағыттарының бірі ретінде қарастырылады, өйткені ол оқушылардың тәжірибелік, аналитикалық және сандық әдістерді қолдана отырып, практикалық бағыттағы тапсырмаларды шешу қабілетін қамтамасыз етеді.